零五年版一百零八項

關於我既一百零八項

1.我係左撇子，不要驚訝 。
2.我BB時已經係用左手去拿野。
3.我阿哥本先用左手，但比我阿媽改到變右手，所以佢d字好核突。
4.由於3.加上我一出世隻右手手指公係用問題，所以我阿媽放棄左將我由用左手改成用右手的念頭 。
5.細個時，我好唔中意自己係左手，因為每次做完功課，隻手都會黑晒 ，我相信發明文字紙筆等既人係用右手，並且冇理會過用左手既人既感受。
6.而且人地見到就會話: 咦!你左手嫁?人地話用左手聰明d嫁! —-我係覺得好煩嫁!!
7.我係高低膊嫁，左高右低 。
8.我個頭有2個”轉”，一前一後，天生嫁，除非剷走塊肉，唔係前面個轉就永遠都係到。
9.我非常不滿意自己身形瘦削同矮，奈何有心無力。
10.我並唔覺得自己好樣，甚至偏樣衰，所以我唔會花心機同時間係外表方面 。
11.我唔去set頭係因為冇時間、懶，最重要係我唔想16歲時d髮質就好似成個死人咁。
12.重有我唔識set，唔想整完之後好似小肥咁…..
13.我好愛惜自己，唔會做埋d自殘、自殺等自我毀滅式既行為。
14.我喜愛聽外國同日本音樂，但我都有聽本地音樂嫁。
15.除左陳慧琳、at17、何韻詩既歌之外，其他本地歌手的歌我都係唔會主動去搵黎聽嫁。
16.我唔中意本地歌，係因為佢d歌詞廢/難聽/CD版先好聽/樣衰 。
17.我小一至小四都同另1個fd一齊參加英詩獨誦，並漸漸多人參加，到左小五小六就一大班人參加集誦。
18.訓練我既係一個姓徐的老師，我好中意同敬重佢，佢好似我阿媽咁關心我。
19.我中意小學多過中學，不論係學校，老師定生活 。
20.我係無神論者，但我信死後有第2個世界。
21.請不要強迫我去信某一個神，某一個教 。
22.我的中文名: 「振」 係字輩， 「樂 」係阿爸阿媽改，理由係想我以後都咁快快樂樂。
23.我改過的英文名有Tommy(小學)， Henry(中學) 。
24.我認為我以後都會用Henry哩個英文名，因為我中意同少人用，起碼到而家都未同人撞過。
25.夢想 / 理想 / 幻想 : 做DJ， 一世唔駛休
26.我好想養寵物，特別係狗 。
27.我中意果樣野就會中意，唔中意就唔中意，唔會理會其他人嫁，不論人，事或物。
28.我係03年開始中意Avril，因為佢人靚聲甜，形象多變 。
29.Avril係《Let Go》時期話自己係punk/rock，直到而家好多人都叫佢做rock女，不過我覺得佢最多都係pop punk/rock，認識左Green Day之後更甚，不過無論佢係咩類型的歌手，我都係一樣咁迷佢嫁!
30.直至而家，我迷得最深既就係Avril 。
31我中意的Avril歌曲成日都唔同，最近係O Holy Night ， Nobody’s Home
32.我係04年先開始認識同中意Green Day，因為我覺得主音Billi Joe靚仔同型，d歌夠激昂但又唔係勁嘈 。
33.可惜我咁遲先認識到哩隊punk/rock band，佢地係89年出道，直至04年靠《American Idiot》鹹魚翻生 (好唔中意報紙咁講佢地= =)
34.如果我認識Green Day先過Avril，我可能迷佢地迷得重勁過迷Avri。l
35.我中意的Green Day歌曲係Wake Me Up When September End。
36.自從我中意左Avril同Green Day之後，我會中意d人”茶”eye shadow，當然佢要”茶”得型，最基本都要睇得入眼啦 。
37.我的第一個偶像係陳慧琳，小五定唔知小六開始，到而家都抱有好感嫁。
38.日劇方面,我中意/追過圈套， 我Miss係大佬， 金田一， 庶務二課
39.最中意既日本女星係仲間由紀惠，因為佢靚。
40.我係睇《 我Miss係大佬 》而認識佢，不過係《 圈套 》時中意佢。
41.我唔會幻想同偶像拍拖呀，或者對佢地有性幻想咁，因為我覺得咁樣會褻瀆左佢地。
42.我中意/追過漫畫/動漫 : 通靈王， 鋼之鍊金術士， Hunter X Hunter…..有d我都唔記得啦 。
43.其中，我最中意既係通靈王同Hunter X Hunter，至於鋼之鍊金術士，我並唔覺得佢係一般人所講既神作。
44.我中意的漫畫人物有好多，安娜(通靈王)最甚。
45.我最中意既電視劇係亞視唯一一套見得人既電視劇–我和殭屍有個約會
46.我熱愛聽收音機同DJ森美。
47.其中，我最中意既節目就係森美小儀的《架勢堂》同森美、leo、細蘇的《森美移動》
48.我對於森美既熱愛程度達到尖峰，我曾為左聽佢既節目而唔打機 。
49.同時，我為左聽森美，係冇去睇到眾人所講既好好睇電視劇如大長今。
50.我認為我已經進入左收音機時代，即係為收音機而瘋 。
51.我非常中意打機，唔好問我點解，我都想知。
52.我小一上學期拿全級第三，跟住由小一下學期至小三下學期都係拿全級第一，即係我既光輝時代＝v＝
53.我第一次拍拖係小五小六，但而家睇番又覺得唔似係咁。
54.我頭16年人生可分為無賴時代(0歲~5歲)、光輝時代(小一至小三)、打機時代(小四至中二)、收音機時代(中二至中四)。
55.我最中意的地方係New York同加拿大 。
56.我經常有古怪既想法，只係我唔講o者 。
57.我對好多野都有不同既感受，只係我唔講o者。
58.我不善於表達自己 。
59.我成日都幻想自己係出生於頂級富豪之家，因為咁就唔駛煩學業，又唔駛憂住憂食 。
60.現實中，我覺得我將來都係做一個坐一世office既白領一族，甚至比此更差 。
61.我讀書係唔想將來做無業遊民或者做死一世廉價勞工。
62.我對於學業成績都頗為滿意 。
63.但因為最近懶散既關係，我覺得我下學期會跌到一仆一碌。
64.現在，我對於自己既會考成績不予厚望。
65.我相信有命運哩樣野，縱使你可以去改變個「過程」，但「結果」係點都唔會變嫁啦。
66.哩個唔係日記，係因為我唔會將我每日發生既野寫低 。
67.↑補充: 我係唔會記得晒每日發生過d咩，極其量都係一d令我好深刻又或者特別既野。
68.至於叫隨筆係因為隨心之筆，即我手寫我心 。
69.同時，宗旨係有感而發。
70.我d記憶力一年差過一年，我講真嫁。
71.我認為女性係應該受保護，當然，佢地有權選擇受唔受保護。
72.不過，並不代表女性可以勞役男性。
73.我認為女性有時太過濫用佢地既權利，令我甚到會覺得: 你有手嫁，自己拎番d野啦!!
74.我認為男性幫女性拎野係應該，但不代表佢地可以搵個男性陪行街，然後叫佢做阿四 。
75.我唔中意漫無目的既行街。
76.如果我係想買野，我最多接受到4人團。
77.小學時期，除左返學同訓教之外，我其他時間十分之九都係同阿媽一齊。
78.我小學時已經同女仔玩。
79.我覺得自己應付女仔比應付男仔自如。
80.我並唔覺得男仔同女仔玩有咩問題，一齊玩唔代表拍拖 。
81.到左而家，我同女仔係好傾過同男仔 。
82.我覺得長頭髮而唔紮辮既女性係靚d。
83.男仔頭就唔好預我啦….
84.重有，一個女性係應該有口德，當然男性都需要有，但需求較低。
85.係F.4，我覺得最靚係Carmen同阿Ham，係Delirium入面，最靚係Heiman同唔紮辮既Phybee
86.而家班fd入面，總共有11人，自稱Delirium。
87.Delirium曾經歷變動及出現危機。
88.我好慶幸可以認識到佢地 。
89.我今年係友誼方面係比較失意嫁。
90.到而家，我重有同小學同學聯絡，一齊出黎玩嫁。
91.我係一個怕悶，冇耐性既人。
92.同埋，我係幾優柔寡斷。
93.我最愛既班主任係Ms Shi同Ms Teng。
94.理由為: 係F.3我收到既評語係「優柔寡斷」而唔再係「成績平平，還需努力」可見佢地真係有用心、用腦去比。
95.重有，Ms Shi係因為佢既制度，Ms Teng係因為佢既口才，人生觀同衣著品味。
96.我玩過為數不少既Online Game，最中意係Ro同Diablo II。
97.我好想同番已經唔fd但以前fd既人fd番，因為某一件事。
98.其實以上有好多野都有其背後既意思。
99.你睇到嗎?
100.我希望寫到108項，因為我生日:8月10日 10/8->108
101.我唔覺得自己屋企有錢，只係唔洗憂兩餐。
102.我為果d係屋企咩都唔會做既人而感到可恥 。
103.如果再加上話唔中意屋企或者屋企人，我會側目，甚至痛罵佢地 。
104.如果朋友有難，我會施以援手 。
105.真愛係存在，只係未到，而家我地也有屬於親情既真愛。
106.我知道哩個「既」唔等於哩個「ge」，但我覺得係隨筆用「既」會好睇d。
107.哩個一百零八項係比人認識我多d，同時總結一下16年黎既事、人同埋物 。
108.衷心多謝你睇完晒哩一百零八項。