Phybee，你要體量我既苦心呀

Final Fantasy

History

Final Fantasy的由來

1987年12月18日，一個FC紅極一時既年代，當時最出名既，係以《勇者斗惡龍》為代表既所謂「勇者派RPG」，當時既SQUARE只不過係一個小小既開發遊戲廠商，經歷左四年遊戲開發仍然係毫無建樹，坂口博信就決定係退出哩行之前全力制作最後一款遊戲，如果哩隻遊戲失敗，我諗SQUARE都凶多吉少，所以哩隻遊戲名為Final Fantasy(最終幻想)。

Final Fantasy I 發售日期: 1987年12月18日
Final Fantasy II 發售日期: 1988年12月17日
Final Fantasy III 發售日期: 1990年4月27日
Final Fantasy IV 發售日期: 1991年7月19日

由於頭4集我都冇玩過，所以唔清楚好唔好玩(-.-)，I~III係FC出，而III係第一次有召喚獸既出現，至於IV~VI就係SFC出。

Final Fantasy V 發售日期: 1992年12月6日

哩集係死得最多人既一集- -基本上除左幾個固定既主角之外，其他都為同一個目的而死
同初代FF一樣有眾多既職業比玩家去配搭，至於故事主題都係同初代FF一樣，關於水晶，加上環保，著重描述人同動物、大自然之間，咁多集黎講哩集好玩度係最低，劇情既張力亦都係最少。

Final Fantasy VI 發售日期: 1994年4月2日

成個故事偏悲，背景氣氛比較上陰暗，d人物刻劃得好成功，例如為了戀人而四處尋找解藥既洛克、幻獸同人既混血兒天娜，而召喚獸更加達到史上最高既27隻，另外更初次(都係唯一一次)可以控制莫古上戰場殺敵。

由FFVII開始，就係FF既一個新境界、新局面。

Final Fantasy VII 發售日期: 1997年1月31日

PS上既第一作，其後更加成為PC上第一作，由於PS，變為全3D加上不少Movies
哩隻世界比較真實，上至飛天火箭，下至潛水艇，故事冇絕對既壞人，每個人因為不同目的而產生分歧
印象最深既就係女主角死個刻，神殿入面，刀由女主角胸口刺出，睇住佢既身影慢慢沉入湖中….感動T^T
而係9月將會有延續FFVII哩個故事既一套DVD，FFVII: AC，熱切期待呀!!可惜唔係遊戲，冇得玩….

Final Fantasy VIII 發售日期: 1999年2月21日

可以話係一套愛情片，劇情絕對一流，既然係愛情片，當然係以感動見稱，加上王菲唱既主題目《Eyes On Me》….真係正呀!!最特別莫過於男主角同女主角係舞會上邂逅、跳舞、煙花….
佢同一般RPG好唔同，佢可以唔需要麻目練lv，由於敵人係同主角既等級而變化，你1lv，佢就1lv，所以有左一定既魔法同召喚獸之後，甚至可以1lv通關。

Final Fantasy IX 發售日期: 2000年7月7日

PS上最後一作，遊戲回到童話世界，同真實世界觀既FF8好唔同，畫風同人物動畫都係Q版，有少少迪士尼既味道，貫徹SQURE本色，而且莫古角色變番重要少少，好可愛，好中意哩隻飛天豬呀!主題曲係由白島英美子唱，都係好好聽嫁!

FFI~III係FC上既、FFIV~VI係SFC上既、FFVII~IX係PS上既，
FF系列每三代都經歷左係發表佢地既主機既由興轉衰，FF除左係一隻好遊戲之外，更見證左時代既轉變，遊戲
界既一個不可或缺既原素，並不是一隻遊戲咁簡單…..

Final Fantasy X 發售日期: 2001年7月19日

PS2上第一作，故事複離，如幻如真，要到中後期先會明白成個故事來龍去脈，除左男女主角既愛情之外，有男主角同佢阿爸既親情，同伴間既友情，為SQUARE一貫作風，結局更加係….感動到喊呀><
系統好新鮮，初用晶球盤，自由度更高，其次，係遊戲入面同時有2種語言，創先河呀!召喚獸方面，有一次出三隻既新局面–Magus Sister，而Yojimbo既斬魔刀，不論你有多少血，係小兵抑或是Boss，都一律一刀死
以FF系統黎講，絕對新鮮，其中既小遊戲簡直玩到我發晒老脾，異常難玩、可怕。

Final Fantasy X-2 發售日期: 2003年3月13日

X-2係FF第一隻續集遊戲，雖然話就話係FFX故事既延續，其實同FFX冇咩直接關係，只係都係果d人再加一d新人物，首次全女班上戰場，並以任務形式進行遊戲，今集更係有召喚獸以來唯一一集冇得用召喚獸，只有打召喚獸既一集….
故事依然著重於愛哩一環，今次更有1000年不滅既愛(FFX同X-2真係多1000年-.-)，Good Ending係男女主角重遇，可能係SQUARE想完一完玩家既夢。

(以上只包括日版/初版)

其次，FF系列重有FFT，FFTA，FFXI，FFU同Final Fantasy: The Spirit Within，由於都唔係純RPG，(FFT同FFTA係戰棋，FFXI係online game，FFU係動畫，The Spirit Within係電影)就唔係到講啦。
其實FF最大特色就係佢既多變，十幾集以黎，差唔多集集都有唔同，愈後既集數愈甚，真係非常之咁有新鮮感，加上角色、劇情、系統、世界觀，重有獨創人物(例如莫古)，所以真係比佢深深咁吸引住呀!!打完哩篇文之後，我覺得自己對FF既熱愛又有所提升啦~~今個暑假一定要買番d FF野返屋企!!

下次會打下FF既角色同(應該係)SQUARE所創既飛空艇

考完試三日啦已經，但點解我唔覺得成個人鬆晒，反而總有d down down地??
或者係因為冇game比我打個夠本啦….要等到7月尾8月頭先有我想玩既game呀…..
繼今朝頭痛之後，我發現自己有少少疑神疑鬼，神經質，
死啦，好驚呀，我係咪痴左線呢，唔通係因為考試，加上我哩幾日訓得太多，搞到成個人痴痴呆呆??
考試真係可怕，但原來訓覺都好可怕….

其次，重有2個怪病
1. 睇人日記，由於考試個陣，休息既時候，冇理由打機嫁，咁就唯有剩上網，久而久之就開始上人日記，而且網上日記果然係公開的秘密，哈
2. 基於考試時勁溫書，前晚我竟然因為唔駛溫書、唔駛做功課而唔慣呀，我真係覺得….我痴左線啦-.-

聽日派卷啦，好淆呀….尤其是geog，如果part B佢比0分我，咁就一定唔合格，不過真係既話，都係自己抵死啦，咁白痴…..其次就係驚個成績出乎我意料之外，即係以為佢好，點知原來好差=.=

岩岩訓左係張床到，點知訓訓下訓著左wor，咁我係訓得太多，訓開有條路，訓落去呀，定訓唔夠，眼訓呢?-.-

油燈怪

莫古

都係時候買番d FF既野

So….why? Is careless? Is can’t remember?….is not a reason
Don’t think that he/she don’t want to go out unless the asking
It is not a storm in a tea cup, But it is an alert for me
And I know that I am not the only one

考完試啦…尋日返到屋企勁打機、訓覺同煲布袋戲，終於過番d人過既生活…

暫時想買既野:
1.FFVII: AC　不過9月14先係日本發售，老史例牌延遲，加上身處香港，重有排等，本來想買限定版嫁，但貴，幾千蚊，低能-.-
2.銀包　至從唔見左銀包之後一直想買，復活節假最後又冇出到街，冇買到
3.袋　　而家個袋殘到爆，今次唔會買白色嫁啦，諗番起自己買白色真係笨= =
4.衫、褲、鞋

不過都要睇今次考晒點….考得差，邊黎咁多錢買野呀= =

岩岩清完書枱黎，條腰好似斷左咁，當我抹晒所有野之後，竟然發覺我一開始抹既地方已經有塵啦，好恐怖、好得人驚呀-0-

CS
兩份卷都好難，白痴嫁，問埋晒d資料性既野，明知我冇背過野嫁麻，搞到哩科係最唔識….