新年溫cs core
新年買ff figure
新年整頓心緒
新年後唔該唔好再病
新年好好訓覺
新年…..
　　．
　　．
　　．
　　．
　　．
　　．

新年冇行花市，突然周身唔「聚財」，不過算；
計一計，過左新年，Deli係會考前都應該唔會再有咩大活動lu。

藝伎回憶錄

「藝伎並唔係高級妓女……既然係藝伎，當然以藝為先。」
「男人的鰻魚喜歡探索女人的籠，尤其是未打開過的籠。」
以上係豆葉(楊紫瓊)係戲中所講，中間重有少少，不過唔記得左。

伎與妓係不同，伎係以歌舞娛樂賓客為業，而妓則係是出賣肉體為業。
係戲入面(我諗果時都係咁)，伎比妓既身份地位都高好多，至少伎都著得靚好多。
伎既妝好奇怪，唔明點解當時既人會鐘意-.-例如佢地頸後面都會化，但係化d唔化d，重有藝伎好講神秘感，露肉又要露d唔露d；雖然係咁，但藝伎既身份地位都唔係話高得去邊，只可以做人地唔見得光既妾侍，其中重要賣自己既初夜比人先叫做完全「成熟」既藝伎，而且佢地唔可以有感情，即係唔可以鍾意佢地既客仔，可能重要搵個核核突突既麻甩佬做自己既大爺，當時既女人真係慘….

講番套戲，光暗分明，初初開始，千代父母賣佢地兩姐妹去京都同去到京都花街，一路都好黑暗，直至千代遇到董事長，個背景係光明左好多，唔係d弱智報章離誌所講，因為董事長請千代食刨冰就鐘意佢咁耐，而係董事長為佢帶黎光明，令佢既人生有番色彩，哩段可以係千代跑去神社睇到，成段路都充滿橙色，好光。

視覺同聽覺效果哩套戲都做得好好，少女千代個樣幾似章子怡，但搵章子怡(長大後既千代)扮15歲真係有少許….而且佢皮膚好差，鞏利同楊紫瓊比佢好睇好多，除左戲中高潮位，章子怡跳舞，段舞就冇咩特別，但個look都唔錯。

戲中主題係人性，藝伎之間耍手段，就連楊紫瓊教育章子怡都有少許玩手段既嫌疑，又例如南瓜假意原諒千代，但其實重憎佢，最後重勁賤；戲中好似只有章子怡冇耍手段，唉，真係最毒婦人心。

哩套戲比我想像中更好睇，真係值得一看。

PS:千代既讀音竟然係Geo，Little Geo…笑到肚痛，連唔應該笑既地方都笑左，世事真係太多巧合啦。

會考成績(學校模擬版)

14分
中文數學中史C
英文西史D
文學電腦地理E

同我預期個分一樣，但估唔到中史會有C，更估唔到電腦會比E我。
哩個分唔算差亦唔算最滿意，我理想中係16分(當然愈高愈好，會考分點會有人嫌多-.-)，不過好在，我自己估自己高分個三科(中文數學電腦)都有兩科C左，但我電腦竟然E? 或者我可能真係應用派。
新年真係要溫書啦…係真係溫個隻，我會主攻E左既科，學陸Sir話齋：
1. E進步空間大，亦都易進d
2. 我地有哩個能力
最主要溫電腦Core同文學，而地理一早放棄左好耐。
嗯，係時候收心養性啦。

今日畫左South China Morning Post漫畫果頁，左上角個幅漫畫既主角－Clavin，好似，好得意呀，好有滿足感/成功感呀，呵呵!

之前行過旺角Figure專賣商場，竟然搵到FF既Figure呀!係我下一個目標….

禮拜二同neo行番屋企，而家好少有嫁啦(其實哩排係見都好少- -)，一三練歌，四五就練繩，得禮拜二係唔駛遲番屋企，但如果Miss Tse突然屎忽癢，放學補課或者測驗，咁就連僅餘果一日都冇埋….T^T

哩排番學成日都好眼訓，唔知做咩，郁d就想訓…

某厲鬼陰魂不散，好得人驚-.-”

禮拜六有得睇藝伎回憶錄，Yeah~!!

問卷

cs