介紹一下新post既兩首歌:
Faith Hill係我係電視無意中聽到，跟住dl左佢既歌黎聽，覺得都唔錯，幾岩我聽
至於Julie London既Cry Me A River就係V煞入面播左好幾次既歌黎，係戲到聽已經覺得好好聽
係我心目中，Julie London應該係一個七八十年代既性感尤物，千祈唔好比真人張相我睇，十居其九都會打破我完美既幻想- -”

話咁快就有新電腦用，靜到癲，Office用既電腦真係唔同d (係阿哥係做野果到笠番黎-.-)
呀，屋企有個快手既IT人真係好-v-”

Mock Exam自我評估

中文
讀本: (預計合格)
文言文比我想像中問得少野，但唔代表我識- -至於個幾條長問題，答完總係覺得答漏野…
作文: (預計可觀)
語文運用都係咁，冇咩特別，但我自問今次作文作得唔錯，揀左第一條，即係議論文，因為另外個兩條我都諗唔到好情節，點解今次冇描寫加抒情嫁!!用左君子求諸己小人求諸人黎講以嚴律己，聖經比人打左一邊面要比人打埋另外一邊面同冤冤相報何時了講寬以待人，希望林守純鐘意

英文
PP1: (預計合格)
作左第一條，講左好多Geog既野，算係咁
PP2: (危險)
好多字唔明，尤其是講Cross果篇文，但Matching真係好易，做果陣好開心- -”
PP3: (危險)
連Part A我都聽唔到而要撞既地方-.-”Part B更加唔駛講，好多時自己漏野或者寫得太多野都唔知
PP4: (雖失手但仍不錯)
Role Play都ok，但group discussion失左手>”< 一開始打亂左自己陣腳，又諗唔到個topic可以講咩好，我覺得好唔岩我講(題目係參加一個辯論比賽:青少年應該尊重老年人)，重有某人做leader做得好怪- -”一開始一輪嘴係咁講晒d sub-topic出黎，最後剩番一分鐘又寧願講conclusion都唔講anything else，我望一望Ms Hou，佢都報以一個疑惑既眼神比我……

數學
Long Q (預計合格)
唔夠時間做，但份卷其實算易，我唔話Ms謝多野錯或者咁遲先改，因為我始終係唔夠時間用-.-

MC (預計合格)
比以前易左，但我都係有十多題唔識做-.-

地理
兩份都唔駛講，係咁先，早抖 (宣佈死亡)

西史
DBQ自問做得好左，多野寫，落筆既信心都大d，不過Essay就一般，做左第五題，尤其是(b)，冇溫過，不過冇計，咁多題最識就係哩題….-.- (預計可觀)

中史
好對陸sir唔住呀….前一晚十點幾就訓左，實在太眼訓啦，頂唔順，做得當然麻麻… (危險)

文學
讀本: (預計合格)
算係咁啦，一日溫四本書呀，根據以往紀錄，一定漏好多pt或者唔中pt
常識: (死亡率偏高)
好似作文咁作呀!!……連賞析都覺難-0-”

電腦
Core: (合格與可觀之間)
好少問書既野呀，Yeah!!>0< 自問都答得唔錯，成份卷都填滿野
另一份: (預計合格)
都冇咩點問書既野呀，Wow!!不過答得比Core差，因為有d真係唔識

Overall:
應該唔會有令自己跌眼鏡既地方，差既繼續差，正常既就照舊正常，即係中庸啦….

我親愛的電腦壞了，甚麼也做不到…..

今日都係忍唔住玩左FFXII，重等我係茶樓時大大聲話唔會開始玩住- -”
我睇佢段開場動畫果陣係需要不停提醒自己：「我係打緊機，唔係睇緊戲，我係打緊機，唔係睇緊戲….」我諗話佢係將會上畫既電影都可能呃到人呀!
畫面真係靚到癲呀，人物做得又靚，不論髮質、面部表情，連皺紋既一d微細表現都做埋出黎，SquareEnix真係痴線嫁!
始終都係FF最正，始終都係SquareEnix最勁>0<
佢今次用左FFXI既戰鬥系統，同以往既單機FF好唔同，不過算啦，我係到講都冇人明嫁啦，唔講啦-.-”

唉，又傷風，今次真係病左好一個月都冇lo唔該!

在「近期必聽之歌」中，十二首歌中，十首係英文歌，另外二首係日文歌，係一首廣東歌都冇，再睇下我自己個Winamp list，三百四十七首歌中應該只有約一百首是廣東歌(以王菲、陳慧琳和何韻詩為主)，如果你話我崇洋，我認，我真係好少聽廣東歌，聽既都係舊歌居多，而我偶像都係美國既Green Day同加拿大既Avril Lavigne，但我全無自視高人一等，以為聽外國歌就係型就係潮既意思，我又冇話不屑本地樂壇，好似側田同衛蘭，我覺得佢地唱歌都幾好聽，不過我唔會去download落黎，放係Winamp到播之麻，而且外國既歌又較多元化，咩類型都有，要rock有rock，要pop有pop，快慢激昂柔情樣樣皆有，我覺得外國人樣貌更加吸引我，他們既聲線唱曲更能打動我，我只係因為他們既吸引之處而鐘意佢地，而聽佢地既歌，我從來都唔覺得聽外國歌係有咩咁唔同，你可以叫我脫俗，但唔好話知道左我係聽外國歌後，好不屑咁話:「佢聽外國歌嫁」，唔好將聽外國歌界定到好特別、好異類咁，哩樣只係一件平凡到不能再平凡既事黎。

PS:其實哩篇野係見到個行list後突然心血來潮，唔係有咩人講過咩野，極其量都係P先生所講既潮….- -”