超人 強戰回歸

劇透劇透，小心小心。

今日去左睇超人，比我想像好睇，個超人仔好勁，連佢阿爸怕既野都唔怕，不過套戲好似想做到佢好似係又好似唔係超人之子咁，想像到佢推鋼琴個下…一定好正-0- 最尾果到有少少感動，雖則我唔係超人Fans，不過唔知點解都有少少感動，另外超人終於唔駛著三角褲啦，唔駛再比人笑啦! 套野都有少少野想帶出，不過我懶呀，唔想打啦，自己慢慢參詳先過癮嫁麻，絕對值得一睇。

Delirium Camp.

過程果類普通野睇其他Deli日記啦，我唔寫啦，剩係寫特別既野

二十六
遲到….近排唔知做咩成日遲到，我係最近都尾二先到…唔好意思呀-.-
搭船食張記魚蛋粉拎屋買野，之後去左沙灘，凍到我傻= =真係凍到打晒冷震，不過最後都出左浮台，佢地租左水推阿Phybee出去同番黎推到我腳仔軟，佢跟本係hea係到等我推….
游完水(推完人)勁肚餓，不過都要輪沖涼輪到八點幾先去食野，食左海鮮餐，每位都只係三十四蚊，抵!
之後去踩單車，本來都只係踩(坐)家庭單車，後尾坐上架單車到諗住試下踩(冇錯，我本身係唔識踩單車嫁)，heiman就在旁指導，出奇地，上次去學，學左成日都學唔識，今次學左一個鐘(兩個鐘?)就學到啦! 好神奇咁突然學識左，話唔定真係因為有人係隔離教，學到果刻真係勁開心，從此可以改口:「除左跑步游水踩單車，其他運動唔識預我。」 不過踩單車踩得耐對手同個屁股會痛，甚至連個袋都唔舒服，而且重學單車學到損手爛腳，不過都係值得嫁。
之後番屋企，傾傾玩玩迫迫你訓我我訓你 你摸我我摸你 你撩我我撩你，大戰一輪到唔知幾多點，最後我、Heiman同Neo一間房，又傾到差唔多六點先訓，第一日，完。

二十七
一訓間屋重好暗，以為重係凌晨果類，點知原來已經十一點幾咁，因為間屋可以話冇窗，唔開門又熄燈既話，間屋可以係廿四小時都昏昏暗暗嫁= =搞到勁有feel繼續訓覺，最後傾傾玩玩訓訓纏纏典典到二點到就醒啦，跟住去左張保仔洞，今次好多水滴落黎，搞到整濕左，本身已經踩單車踩到出晒汗嫁啦- -之後跳到食飯，第二晚雖然貴少少(一人$45蚊)，不過大碟d同好食d，重有個外貌、感覺與真實年齡不符既妹妹，最後到第二晚既重頭戲，就係星星! 估唔到會睇到，因為天氣好差，以為會咩都睇唔到，點知都見到好多星星，好靚，重特登走到黑暗既地方訓係到睇，而且見到微弱既流星，不過唔知係咪睇得太多漫天星空，感覺已經冇咁興奮同嘩然，同埋我都係鐘意少d人咁睇星星，太多人個氣氛唔岩，重有sd左個sms比人，不過果個人唔回=”=不過有個咁既原因就算啦….趕去食甜品既途中，用單車車爆左隻蟑螂，發出清脆既「砰」一聲…
同埋踩單車如果係夜晚沿住海邊，聽住歌，涼涼地咁踩係更加正。
夜晚果陣勁攰勁眼訓，熄燈訓覺….一覺醒來就天光啦-.-

二十八
執野交房還車食飯，最後離開長洲，今次終於有得坐我最愛既慢船，跟住番屋企，繼續打RO= =”

PS: 第一次去camp係要慳住慳住咁洗錢= =v 我記得既就係咁多….有咩醒起先再加。

今晚禍不單行…壞事的確係接踵而來嫁…
不過多謝老馮今晚做我出氣袋…但我明白我當時正身處虛擬世界嫁。

嘉盈閣比蜜蜂襲擊，十足十果d遠古既殺人蜂電影咁-0-好在尋晚有開冷氣訓，唔係今朝要同d蜜蜂一齊訓啦…..

最近完全迷於RO當中。

Avril結婚啊，好靚呀!

(希望唔會閃電離婚…)

我漸漸發覺，每出完一個大活動，我既錢都澎澎聲咁走晒出去
特別小學，由朝出到晚，食兩餐飯加個唱k，荷包即刻一Q清袋-.-

ps: 欠我錢果d快還- -因為我真係有野要買。

衛詩既Funny Jealousy同Vitamin C 既Graduation會唔會似得過份左少少呀?-.-