病到想死

好耐未試過好似今日咁病到虛脫，頭痛痛左成日就不在講，又要手軟腳軟，真係企起身都見頭暈，我可以捱到成日真係覺得自己好叻呀！XD 返到屋企食完藥就訓到食飯，食完飯九點幾又再訓，訓到第二朝七點，好似未試過第二日要返學係可以訓十個鐘…..

再談蟑螂

岩岩聽架勢堂，知道左兩個殺蟑螂既新方法：

1) 大力「殊」一聲，阻礙左蟑螂既判斷力，因為佢地係用觸鬚係空氣探測周圍既環境，只要一殊，就會影響佢地既判斷，因而呆左係到，哩個時候就可以用拖鞋追殺佢地!
2) 之前提過既泡沫，茶滿個肚，佢地就會因為窒息而死
3) 放削尖左既吸濕珠係佢地門口，佢地就會因為慣性而擦背脊，但同時亦會擦走佢地身上既油脂，哩個時候吸濕珠就會發揮功效，吸走佢地既水份，變成乾屍(- -)

方法係真係假就唔知，但我覺得要實行都幾困難，首先好疑惑「殊」既功效，加上大家見到蟑螂既時候應該唔會可以好冷靜咁「殊」……..泡沫，重點係要茶滿佢地個肚，何其困難啊，雖然話可以用泡沫圍住佢，咁佢就走唔出個框架，一走即死，但大家係咪真係可以快過隻蟑螂，用泡沫圍住佢，到時可能噴到成屋都係泡，如果佢大左肚識飛既話……哈= = 吸濕珠可能係三個之中成功機會最大，但大前提係你能夠搵到佢地既屋企。

總括而言，殺蟑螂最好方法都係用拖鞋，記住要用手穿住拖鞋殺，唔好用腳，因為手係快過腳，噴殺蟲水都要水平咁噴，要噴中佢地個肚，如果由上而下噴，佢地個背脊(或者叫翼)就會保護到佢地，令殺蟲水無效；不過就我而言，殺蟑螂最最最好既方法都係……..交比屋企人打理，自己縮埋一邊。

作反

今天是高興又刺激的一天，等有相再圖文並茂，哈。

期待二月十八日啊！

對手好癢，好想打大大隻果種麻將，快點年初一吧，好想打牌！但唔係細細粒果種，好冇手感。

萬般無奈

今日訓訓下聽到d聲，專心聽下，竟然係女人既呻吟聲，我就知道，又係我果位阿哥-.-女優叫到好似劏雞咁，又大聲又嘈，慌死人地聽唔到，阿哥，我唔係聾嫁!! 可唔可以唔好用女優呻吟聲黎叫醒我?……你要打飛機就細聲少少，一係就帶耳筒，再唔係就等屋企冇人先啦，你細佬我係屋企，訓緊覺都係有聽覺，唔係弱聽嫁= =……

近日以來

我不太喜歡馬後砲或者事後追究責任，既然已經係事實，我一定會接受，因為早係事實出現之前我已經做足心理準備，再者，自我安慰的確係有一定既作用；好想去玩、盡情發洩，快點考完高考啦!! 我要好好把握我寶貴既每一天，以中學生身份生活的剩餘日子。

二月十八號一定要返學呀，我地自己last day，反正我地係屬於頂樓的七甲課室和秘密基地，而不是這間學校，在這個最後的上課天，我地要盡情作反!!

Protected: 研究

此文章受密碼保護。如要閱讀，請在下面輸入密碼。

Password:

多謝小圈子

話說今日要交電腦專題研習，但我就唔記得左買個文件夾黎入好個專題研習，咁食飯時間當然衝去慈中買啦，咁岩今日又有大食會(有必勝客、家鄉雞同元祿壽司)，心諗今次一定冇野食餘，放學都應該要去大快活食個下午茶，點知，佢地竟然留左野食比我!@@ 重要係有一件葡撻、一隻雞中翼、一隻雞脾、一件雞胸、一件意式風情比薩餅、一盒雞皇飯，我重拎左半罐百事飲，比佢地話我最遲黎，但就最多野食，其實我有少少感動，真係好多謝你地特登留返比我，係十二度低溫下，真係暖在心頭! =]

ps: 「費老師」竟然係午飯時間早退，岩岩果兩堂先見到佢，轉過頭又走左，真係激氣…….