二月二十九日

今日終於都考完模擬高考啦！不過無論地理定中史，我都有睇錯題，算啦，考完就由佢過去啦，而家應該暫時放鬆一下，麻將腳們，打牌啦- -

今日重係四年一次既二月廿九日，今日生日既人都幾慘，四年先有一次正日生日，咁中間果三年點算呢？邊一日慶祝好？廿八？但又肯定未到自己生日；三月一？又好似過左自己生日，由二月變左三月生日；幸好，阿媽唔係今日生我出黎……

中史終死

心情興奮和緊張得差點以為自己將要考完高考

今日要參透朱陸王三位人兄的宋明理學，我國古代中央制度，與及朝代的興盛衰亡。

中史中史中史

治亂、思想、經濟、交通

重未計之前溫得唔係好熟或者好少既課題，但我只係剩返日半都冇，我係唔可以通頂，玩住通頂都會眼訓，更何況溫書？
考埋中史我真係需要好好休息返三五七日，好在模擬高考後的活動已經安排好(中)……

雖然我不停講唔夠時間，但點解我重可以開電腦、上網、打日記？ 哩個真係一個謎。

小抱怨一下

滿腦子都係地理理論同模型，數數手指，三大個課程部份中，一共有七個模型，分別係：

Von Thunen’s Model, Sinclair’s Model,
 Weber’s Model,
Christaller’s Model(Central Place Theory),
Burgess’ Theory, Hoyt’s Theory, Harris And Ullman’s Theory

當中每個理論都有佢自己既假設，多到我都開始搞唔清邊個打邊個，其次差唔多每個模型都係圓形(或半圓)，要記晒入面既細節已經難，重要分返邊個圓形係邊個模型，我真係驚聽日寫論文果陣配錯左，寫果個模型或者理論，但畫左另一幅圖= = 最重要既係你竟然話我知哩堆理論(模型)都係錯，已經不岩而家用，咁我學黎做咩？ 雖然我明白大部份而家學既野，將來除非做好專門或者教書，唔係都用唔返出黎，但點解我要係到學錯既野？！唯有用一句「從錯誤中學習」黎安慰自己啦……

今日小記

忽然想睇霧地異煞(The Mist)

嗯，講完，繼續溫地理

自己

睇返零六年一百零八項，發覺而家既想法唔同左，係某幾項甚至完全係相反，證明我個人係兩年來係有所改變，搞到我又心思思想打零八年版，零七年版其實我有打過落記事本，不過最後都冇貼出黎，就睇下今年既六月十七號會唔會完成到同貼出黎啦。

模擬高考正式(?)開始

經過相對上比較輕鬆既第一個禮拜，黎緊就到戲肉，但我中史溫左既野一隻手都數得晒，我今次唔要求好多，合格得嫁啦。