APPLICATION IS UNSUCCESSFUL

「APPLICATION IS UNSUCCESSFUL」
這三個英文字狠狠地打了我一拳，雖然一直都有做好心理準備，預計會有失敗的可能；
但預計還預計，實情還實情，當真真正正知道失敗時，我還是不禁消沉起來；
「UNSUCCESSFUL」！我恨這「UNSUCCESSFUL」！現實真是殘酷，但更殘酷的是，後天還要再玩一次這個殘酷的遊戲。

荀工難覓

搵緊工既朋友，不妨試試哩份呀，包你做過返尋味！！
http://www.hkptu.org.hk/right/vacancy/detail.php?app_id=5915

心路歷程

放榜前我完全沒有任何擔憂，唔係話我對自己既成績好有信心，而係已成定局，擔憂多幾分都唔會改變成績，倒不如唔好去諗，返工、玩、去旅行，好快就到放榜既日子。

成績，完全出乎我意料之內，我事前冇諗過中化可以有哩個成績，因為我花既時間唔多，只係兩日，反而花左最多時間既中史就只係合格，拎住哩個成績，你話最差咩？又唔係，算係未到谷底而帶比我少少既希望，之後要做既當然係將JUPAS所有收生最低既放上前面，果堆傳理全部掉晒去後面，但我事前冇打算讀返關於中文既野，所以只係放左教院果兩個中文系。

咁我見中化成績唔錯，心諗教院中小學中文系應該收啦，點知連面試既機會都冇，我既心情就尤如昏昏暗暗既天色，繼而心驚膽跳，因為教院應該係最大機會收我，教院唔收，我諗嶺南都未必收，加上而家都重未叫我去面試，睇怕都係凶多吉少，所以，我只係剩低最後一個希望－－樹仁既新聞與傳播系。

我本身正正想讀哩系，自知入唔到中大港大浸大既傳理系，不過一世人，自己想讀既野，冇理由唔放落JUPAS，反正有二十五個位，但實在太多人爭，保守估計，最少有千二人爭一百六十個位，筆試已經差，點知面試重差，小組討論只係講左一次野，事前準備既野完全派唔上用場，而家既我真係好擔憂。

放榜前，我輕輕鬆鬆，放榜後，我擔心得要死，特別是靜落黎既時間，例如熄晒燈訓係床上準備入睡，我總會係到諗，如果樹仁新傳我都唔收，我真係會冇大學讀，我唔想讀副學士，自問自己冇哩個耐力同恆心，而且駁唔到大學，咁就等同廢紙一張；童話故事會呃人，風水佬呃你十年八載，我地成日講既野都未必係真，「船到橋頭自然直」、「天無絕人之路」其實都未必然。

不過大家可以放心，我唔係將自己既不幸無限放大既人，我唔會將自己收埋係屋企，玩既時候我一樣會投入，我重要睇街頭超人、蝙蝠俠第二集、天魔特攻第二集、盜墓迷城3、X File；我重未煲晒Doctor Who、Torchwood、極道鮮師3；我今個暑假重未游夠水、重未去沙灘、重未去宿營；我重未打晒暑假新出既遊戲；我重未．．．．．．我重未．．．．．．
當下，我最想既係快快到月尾，我要知道結果！

小圈子

你地鐘意隻碟就好啦，花左我同小美好多心機、時間，Window Movie Maker又廢，成日都hang，有時整到我好火，不過見你地既反應，證明係值得既；我一生人都講左唔少大話，但暫時黎講，今次個大話都算係最大，不過我知道你地會原諒我講左哩個大話既……何？

行鋼線

「船到橋頭自然直」就是向現實低頭，要談理想？那首先要有足夠資金購入充足的火箭；
我會接受現實，因為我不得不接受，但最怕連現實都遺棄我。